Ulttyq statısıka búrosy, búgin, 2024 jylǵy 22 sáýirde ótken jylǵa qatysty Qazaqstandaǵy týý kórsetkishi týraly málimetpen bólisti.
Statısıkalyq málimetterge sáıkes, 2023 jyly Qazaqstanda 388,4 myń sábı (403,8 myń – 2022 j.) dúnıege kelipti.
Onyń:
- 51,6% – uldar,
- 48,4% – qyzdar.
230,3 myń bala nemese týylǵandardyń 59% qalalyq jerde týylsa, qalǵan 158 myń bala, ıaǵnı 41% – aýyldyq jerde dúnıege kelgen.
Bala týýdyń 2023 jyly týýdyń jalpy koefısıenti 1000 adamǵa shaqqanda 19,52 qurady, 2022 jyly ol 1000 adamǵa shaqqanda 20,57 bolǵan. Týýdyń eń joǵary deńgeıi Mańǵystaý oblysynda (1000 turǵynǵa 26,74 adam), Túrkistan oblysynda (1000 turǵynǵa 26,18 adam) jáne Shymkent qalasynda (1000 turǵynǵa 25,70 adam) baıqaldy.
Bala týý kórsetkishi boıynsha 25-29 aralyǵyndaǵy áıelder – 29%, 30-34 jas aralyǵyndaǵylar – 26%. Al 20 jasqa deıingi áıelder ótken jyly 12,6 myń bala, 50 jastan asqandar 96 balany dúnıege alyp kelgen. Bul rette ananyń ortasha jasy 2023 jyly 29,7 jasty qurady.
Jıyntyq koefısıenti (TJK) – respýblıka boıynsha 2023 jyly búkil reprodýktıvti kezeń ishinde (15-49 jas) orta eseppen bir áıelden týǵan balalardyń sany 2,96 (2022j. – 3,05) qurady, qalalyq jerde – 2,63 (2022j. – 2,76), aýyldyq jerde – 3,59 (2022j. – 3,59).
Óńirlik bóliniste TJK eń joǵary deńgeıi Túrkistan (4,39), Mańǵystaý (3,99) oblystarynda, al eń tómengi deńgeı – Soltústik Qazaqstan oblysynda (1,82) tirkeldi.
Týylǵan balalardyń 23% – 90,7 myńy otbasynda ekinshi bala bop týǵan, otbasynda segizinshi bala bolǵandardyń sany 1 myńnan astam.
Byltyr 4 075 (2022 j. – 4 063) egizder dúnıege kelse, 48 (2022 j. – 50) úshem jaryq dúnıe esigin ashqan. Jalpy tórtem dúnıege alyp kelý boıynsha bir oqıǵa tirkelgen.