Aqyldy saǵat ınfarkt pen ınsýlt belgilerin ýaqytyly anyqtaýǵa kómektesedi.
Qurylǵy jaǵdaıy aýyrlaǵan naýqastyń jaqyndaryna dereý habar berip, ózdiginen jedel járdem shaqyra alady. Tarazdyq Dýlat Isabek pen Adıa Tursynbaı oblystyq daryndy balalarǵa arnalǵan mamandandyrylǵan lıseıde oqıdy.
Olar «Ekinshi júrek» dep atalatyn smart saǵatyn 3 aı ishinde jasap shyqqan. Qolǵa taǵylatyn qurylǵy júrek soǵysyn, qandaǵy ottegi koeffısenti men dene temperatýrasyn kórsetedi. Jas ónertapqyshtar aqyldy saǵattyń óz qosymshasyn da jasap shyqqan. Onda jasandy ıntellekt jumys isteıdi. Uıaly qosymshada dárigerdiń bekitken dári ishý kestesi de engizilgen. Jas ǵalymdar endi smart saǵatty qalalyq emhanalardyń birinde is júzinde synap kórmek.
Ónertapqyshtar yńǵaılylyq úshin qurylǵynyń kólemin kishireıtip, odan ári jetildirmek. Aldaǵy ýaqytta qan qysymyn ólsheıtin qondyrǵy qosý josparlarynda bar.