Almaty oblysynda birinshi atom elektr stansıasyn salý boıynsha tıisti kelisimderge qol qoıylady.
Oljas Bektenovtiń aıtýynsha, ekinshi jáne úshinshi atom elektr stansıasy qurylysynyń yqtımal oryndaryn anyqtaý úshin óńirlerdi taldaý jumystary aıaqtalýǵa jaqyn, dep habarlaıdy aqshamnews.kz
"Qazaqstanda ekinshi atom elektr stansıasy referendým arqyly salyna ma?" degen suraqqa úkimettiń baspasóz ortalyǵynda energetıka mınıstri Almasadam Sátqalıev: «Qajeti joq. Tıisti zańnamaǵa sáıkes atalǵan atom elektr stansıasy úkimettiń sheshimimen salynady», – dep jaýap berdi.
Qasym-Jomart Toqaev Astanadaǵy Jobalyq keńseniń qyzmetimen tanysý barysynda atom energetıkasyn damytý perspektıvasyna da toqtalyp, Qazaqstandaǵy AES sany úsheý bolýy da múmkin ekenin málimdegen edi. Eske sala ketsek, jýyrda Fransıa Qazaqstanǵa atom elektr stansıasyn salýǵa daıyn ekenin málimdedi.