Ekibastuz qalasynda turatyn 400-den astam bala qysqy demalysty Aqmola oblysyndaǵy balalar lagerlerinde ótkizdi.
Zerendi men Býrabaıdaǵy demalys oqýshylar úshin tegin uıymdastyryldy, dep habarlaıdy Almaty-akshamy.kz.
Olar túrli is-sharaǵa qatysyp, shańǵy, kónkı tepti. Tabıǵat aıasynda serýendeýge shyqty. Olarǵa jańajyldyq syılyqtar da berildi. Jalpy, respýblıka boıynsha bir myńnan asa ekibastuzdyq bala qysqy demalys oryndarynda boldy.
«Munda biz poıyzben keldik. Tipti sol poıyzda da qyzyq boldy. Barlyǵymyz tanystyq, oınadyq. Al Býrabaıdaǵy demalys óte keremet! Bizge joldama berilgenine qýanyshtymyn. Úlken alǵys aıtamyn. Maǵan, ásirese, bıikten syrǵanaý qatty unady. Tanystyǵymyz Ekibastuzda da jalǵasady dep oılaımyn», - deıdi oqýshy Araılym Baısanatova.