Ekibastuz qalasynyń ákimi Aıan Beısekın baspasóz jıynynda sý aqqan páter ıeleriniń shyǵyny qalaı óteletinin málim etti, dep habarlaıdy Almaty-akshamy.kz Inbusiness.kz-ke silteme jasap.
"Qys kezinde sýyq úıdi jylytý óte qıyn. Ókinishke oraı, keıbir úılerde batareılerdiń jarylýy oryn aldy. Jarylǵan batareılerdiń barlyǵyn úıge jylý bermeı turyp birden aýystyryp jatyrmyz. Biraq úıge jylý bergennen keıin kózge saý bolyp kóringen keıbir batareıler ystyq sý kelgen kezde jarylyp ketip jatyr. Ondaı jaǵdaı kóp emes, biraq bar", - dedi Aıan Beısekın.
Qala ákiminiń aıtýynsha, bundaı mekenjaılar boıynsha arnaıy apattyq brıgadalar qurylǵan. Olar tez arada baryp, qalpyna keltirip jatyr.
Aıan Beısekın páterleri búlingen turǵyndarǵa mindetti túrde tıisti sharalar qoldanylatynyn atap ótti.
"Eń birinshi tótenshe jaǵdaı rejımi aıasynda qarastyrylatyn qarajattar bar. Odan basqa "SAEK" basshylyǵy, JEO basshylyǵy bar. Olar páterdi jóndeýdi ózderiniń jaýapkershiligine alady. Ony biz jeke qadaǵalaımyz", - dedi Aıan Beısekın.
Búginde tótenshe jaǵdaıǵa arnalǵan qarajat esebinen eshqandaı tólemder jasalmaǵan. Sebebi kez-kelgen shaǵymdy eń birinshi arnaıy komısıa qarap, saralaýy kerek.
"Komısıa tıisti sheshim qabyldap, negizdemesin jasaǵannan keıin tólemderdi tóleıtin bolady. Zańnama aıasynda jalpy búdjettiń 1 paıyzy qarastyrylýy tıis. Bizde jyldyń basynda qala búdjetinen 400 mıllıon teńgege jýyq qarajat qarastyrylǵan bolatyn. Biraq ol qarjy ıgerilmeı qalmas úshin biz basqa baǵdarlamalarǵa baǵyttaǵanbyz. Alda taǵy bir búdjetti naqtylaý bar. Sol kezde ornyn toltyramyz. Bunda eshbir másele joq", - dedi Aıan Beısekın.
Sondaı-aq qala ákimi oblystyq búdjette de tótenshe jaǵdaıǵa arnalǵan qarajat bar ekenin, qajet bolsa oǵan da suranys jiberetinderin atap ótti. Biraq ázirge ondaı kólemde shyǵyn bolady dep kútilip otyrǵan joq.