Naýryzbaı aýdanynda qoǵamdyq keńistikterdi, aýlalardy jáne qalalyq ınfraqurylymdy damytý jumystary jalǵasyp keledi. Bul qalalyq ortany keshendi damytý tásiliniń bir bóligi.
Bıyl 47 aýla aǵymdaǵy jóndeý aıasynda jáne «Halyq qatysatyn búdjet» jobasy boıynsha jańartyldy.
Sonymen qatar, HQB aıasynda eki qoǵamdyq keńistik qaıta jasaqtaldy. Ulyqbek kóshesinde zamanaýı demalys aımaǵy salynsa, №200 mekteptiń mańyndaǵy jańartylǵan aýmaq aýdan turǵyndarynyń eń súıikti oryndarynyń birine aınaldy. Bul jerde júrginshilerge arnalǵan aımaq, sport alańy jáne balalar oınaıtyn oryndar qaıta jabdyqtalǵan.
Sondaı-aq 38 kópqabatty úıdiń qasbetine sáýlettik jaryqtandyrý ornatyldy. Bul aýmaqtyń kórkeıip, keshki ýaqytta qaýipsiz ári jaıly bolýyna múmkindik berdi.
Bul sharalardyń barlyǵy aýdan turǵyndary men qonaqtary úshin zamanaýı, qolaıly ári qaýipsiz keńistik qalyptastyrýǵa baǵyttalǵan.