Pavlodar jáne Ekibastuz qalalarynda bir kúnde úsh jazataıym oqıǵa oryn alǵan, olardyń biri adam ólimimen aıaqtaldy, dep habarlaıdy Almaty-akshamy.kz QazAqparat-qa silteme jasap.
«25 naýryz kúni saǵat 23:00-de Ekibastuz qalasyndaǵy JSHS-niń biriniń óndiristik sehynda 36 jastaǵy gaz-elektr dánekerleýshisi qazandyq qubyrlarynda jóndeý jumystaryn júrgizý kezinde 74 metr bıiktikten 51 metr bıiktikke qulap ketken. Er adam alǵan jaraqattarynan oqıǵa ornynda kóz jumdy. Sot-medısınalyq saraptama taǵaıyndaldy», - dep habarlady jýrnalıserge Pavlodar oblystyq polısıa departamentiniń baspasóz qyzmetinen.
Saǵat 01.00-de Pavlodar qalasyndaǵy aksıonerlik qoǵamdardyń biriniń óndiristik sehynda 45 jastaǵy jumysker dánekerleý jumystaryn júrgizý kezinde beton plıtadan metal qulaqshanyń qulaýy saldarynan bas jaraqatyn alǵan. Er adam aýrýhanaǵa jatqyzyldy. Buǵan deıin Pavlodar qalasyndaǵy saýda úıleriniń birinde saǵat 09.30-da 28 jastaǵy jumysker árleý jumystaryn júrgizip jatqan kezde baspaldaqtan qulap ketken. Jaraqat alǵan er adam aýrýhanaǵa jetkizildi.