Gismeteo málimetinshe, búgin Ekibastuzda aýa temperatýrasy 31 gradýsqa deıin tómendeıdi
Ekibastuzda jylý elektr ortalyǵyndaǵy birneshe qazanagregat toqtap, turǵyndar jylýsyz qaldy, dep habarlaıdy Almaty-akshamy.kz Tengrinews.kz-ke silteme jasap.
Kompanıa habaryna qaraǵanda, 27 qarashada saǵat 01:20-da №11 qazanagregat toqtap qalǵan. Saǵat 01:30-da jelilik sýdyń kóp shyǵyndalýyna baılanysty №13, 14, 15 qazandyq agregattary jumys istemeı qaldy.
"Qazirgi ýaqytta №8 jáne №14 qazanagregattary iske qosylyp jatyr. Jóndeý brıgadalary uıymdastyryldy. Jaqyn arada parametrleri qalpyna keltiriledi. Qala, oblys, "PAVLODARENERGO" AQ jaǵdaıdy turaqtandyrý úshin barlyq qajetti qoldaý kórsetip jatyr", - delingen habarlamada.
Komýnaldyq qyzmet jaǵdaıdy ýshyqtyrmaý úshin qala turǵyndarynan jelilik sýdy aǵyzbaýdy surady.
"Qubyrlar tolyǵymen salqyndap, úı jalpy jylý júıesinen ajyratylǵan jaǵdaıda ǵana júıeden jelilik sýdy aǵyzý qajet", - dep túsindirdi "Ekibastuzjylýenergo" ókilderi.
Zalal týraly aqparatty +7 701 705 49 57 nómirine dıspecherlik What’sApp qyzmetine dereý jiberý qajet.
"Qazirgi tańda turǵyndardyń jylýmen qamtý jaǵdaıyn turaqtandyrýdaǵy basty kómegi - jylý jelileriniń zaqymdanýy týraly aqparat. İske qosylǵannan keıin turǵyndarǵa jylý qubyrlaryn tartý jáne aqaýlardy joıý boıynsha kómek qajet bolady", - dep túıindedi komýnaldyq qyzmet ókilderi.
Aıta keteıik, Gismeteo málimetinshe, búgin Ekibastuzda aýa temperatýrasy 31 gradýsqa deıin tómendeıdi.