Sot úkimimen jaza taǵaıyndaldy
Búgin Ekibastuz qalalyq soty Ekibastuz ákiminiń orynbasary Baýyrjan Ahmetovke jáne onyń qaramaǵyndaǵy TKSH bólimi basshysynyń orynbasary A.Sadyqov pen sol bólimniń bas mamany K.Túsipbekovke qatysty úkim shyǵardy, dep habarlaıdy Almaty-akshamy.kz QazAqparat-qa silteme jasap.
Sybaılas jemqorlyqqa qarsy is-qımyl agenttiginiń málimetinshe, joǵaryda atalǵan azamattar memlekettik satyp alý sharttary boıynsha oryndalǵan jumystardyń aktilerine kedergisiz qol qoıǵany jáne jalpy qamqorlyǵy úshin kásipkerlerden júıeli túrde para aldy dep aıyptaldy.
«Sot úkimimen Baýyrjan Ahmetovke 8 jylǵa bas bostandyǵynan aıyrý jazasy taǵaıyndaldy, Túsipbekov pen Sadyqov tıisinshe 7 jáne 6 jylǵa bas bostandyǵynan aıyryldy. Ekibastuz qalasynyń ákimi A.Qańtarbaevtyń tikeleı basshy retindegi jaýapkershiligi týraly másele «Memlekettik qyzmet týraly» Zańnyń 60-babynyń 2-tarmaǵyna sáıkes aıyptaý úkimi zańdy kúshine engennen keıin qaralatyn bolady», - dep jazdy vedomstvodan.