Qazaqstandyqtar Altyn Shaǵaeva men Anastasıa Panasovıch Bolgarıa astanasy Sofıada 20 jasqa deıingiler arasynda ótip jatqan álem chempıonatynyń kúmis júldegeri atandy, dep habarlaıdy Almaty-akshamy.kz Inform.kz-ke silteme jasap.
Fınalǵa deıin súrinbeı jetken Altyn Shaǵaeva 53 kelige deıingi salmaqta úndistandyq Antımge 0:8 esebimen ese jiberdi.
A.Shaǵaeva jartylaı fınalda mysyrlyq Atef Mohamedti utqan bolatyn.
Batysqazaqstandyq Anastasıa Panasovıch 72 kelige deıingi salmaqta jartylaı fınalda japonıalyq Sýmıre Nııkýreden basym tústi. Áıtse de fınalda amerıkalyq Amıt Elorge jol berdi.
Batys Qazaqstan oblysynyń taǵy bir ókili Zeınep Baıanova qola júlde úshin básekede ýkraınalyq Oleksandra Homeneske ese jiberdi.
18 tamyz kúni Mereı Bazarbaev 57 kelige deıingi salmaqta kúmis, Mádına Aman (59 kg) qola júldege ıe bolǵan edi.