«Taza Qazaqstan» respýblıkalyq ekologıalyq aksıasy aıasynda QR Ekologıa jáne tabıǵı resýrstar mınıstri E.Nysanbaev pen Oqý aǵartý mınıstri Ǵ.Beısenbaev Astana qalasyndaǵy №103 mektepte boldy, dep habarlaıdy aqshamnews.kz Ekologıa jáne tabıǵı resýrstar mınıstrligine silteme jasap.
Óz sózinde Ekologıa mınıstri Ekologıalyq mádenıet tujyrymdamasynyń maqsattary men mindetteri, «Taza Qazaqstan» respýblıkalyq ekologıalyq aksıasy, turmystyq qaldyqtardy suryptaý mańyzdylyǵy, ótkizilip jatqan ekologıalyq naýqandar jáne t.b. sharalardy atap ótti.
Shara barysynda «Jasyl Damý» AQ ókilderi jınalǵandarǵa qaldyqtardy jınaý júıesin kórsetti, mektepte fandomat qurylǵysy ornatyldy.
Eki mınıstrdiń qatysýymen mektep alańynda da aǵash otyrǵyzý jumystary júrgizildi.
Ekologıa jáne tabıǵı resýrstar mınıstrligi:
1) Ekologıalyq bilimge kirispe;
2) Qaldyqtardy suryptaý negizderi;
3) Qorshaǵan ortany qurmetteý: tabıǵatty aıalaý, janýarlardy qorǵaý;
4) Ekotýrızm taqyryptary boıynsha geımıfıkasıasy bar beınerolıkter daıyndady.
Aldaǵy ýaqytta bul beınerolıkter «Jasyl klýbtar» aıasynda barlyq oqý oryndarynda kórsetiletin bolady.