Avstralıada dronnyń kómegimen 100 mln aǵash otyrǵyzylady
Avstralıada ǵalamdyq jylynýmen dronnyń kómegimen kúresýge kiristi, dep habarlaıdy Almaty-akshamy.kz «Habar 24»-ke silteme jasap.
Jergilikti kompanıa aldaǵy 2 jylda júz mıllıon aǵash otyrǵyzýdy josparlap otyr. Ózdiginen ushatyn quraldar adam men tehnıka jete almaıtyn jerlerge tuqym sebedi.
Bir jaǵynan, bul jumys óte jyldam atqarylady. Mysaly, adam kúnine 800-deı ósimdik otyrǵyzsa, dron 40 myńǵa jýyq tal egýge qaýqarly.
Aıta keteıik, álemde jylda 30 mıllıardtan astam tonna kómirtegi gazy aýaǵa bólinedi. Buǵan birinshi sebep – janar-jaǵarmaı. Onyń ústine ormandar da aıaýsyz otalyp jatyr.
– Ormandardy qalpyna keltirý kómirtegi sıkline edáýir áser etedi. Bul - klımat ózgerisin retteýde taptyrmas ádis. Neǵurlym kóp aǵash otyrǵyzylsa, soǵurlym tabıǵı orta jaqsarady. Kómirqyshqyl gazyn azaıtý arqyly aýany salqyndatýǵa bolady. Atalǵan isti jyl saıyn júıeli jasaý kerek. Dese de, bul ǵalamdyq jylynýdyń birden-bir sheshimi emes, - deıdi klımat ózgerisin zertteý ortalyǵynyń dırektory Endı Pıtman.