Reısterdi keshiktirgen avıakompanıalar jaýapkershilikke tartyldy
Reısti keshiktirgeni úshin «Eır Astana» áýekompanıasyna 3 mıllıon teńge aıyppul salyndy, dep habarlaıdy Almaty-akshamy.kz.
Qazirgi ýaqytta Azamattyq avıasıa komıteti reısterdi keshiktirý kezinde jolaýshylardyń quqyqtaryn buzǵany úshin avıatasymaldaýshylardy jaýapkershilikke tartý boıynsha jumysty jalǵastyrýda.
2022 jylǵy 16 shildede «Eır Astana» áýekompanıasynyń Almaty – Nur-Sultan baǵyty boıynsha KS-853 reısi rezervtik ushý ekıpajyn kútý sebebinen 27 saǵat 21 mınýtqa keshiktirilgen. Reıstiń keshigýi kezinde jolaýshylarǵa qoldanystaǵy zańnamada qarastyrylǵan qyzmetter usynylmaǵan.
«Osyǵan baılanysty, 6 qyrkúıekte «Eır Astana» áýekompanıalaryna qatysty reıstiń keshigýi kezinde jolaýshylardyń quqyqtaryn buzǵany úshin 3 063 000 teńge kóleminde aıyppul salyndy. Osylaısha, aǵymdaǵy jyldyń shilde aıynan bastap «Eır Astana» áýekompanıasyna (qurylymdyq bólimshesi «Fly Arystan» áýekompanıasy bolyp tabylady) qatysty jalpy somasy 21 441 000 teńge jeti aıyppul salyndy», - dep kórsetti Azamattyq avıasıa komıteti.
Atalǵan kezeńde qazaqstandyq avıakompanıalar segiz ret 8 000 AEK somasyna ákimshilik jaýapkershilikke tartyldy.