Sybaılas jemqorlyq qylmysy týraly aqparatty endi eGov.kz portaly men eGov mobaıl qosymshasynan alýǵa bolady.
Qyzmet onlaın rejıminde qoljetimdi jáne tegin kórsetiledi, dep habarlaıdy Almaty-akshamy.kz.
Jańa qyzmettiń kómegimen sybaılas jemqorlyq qylmystyń bolýy nemese bolmaýy týraly málimetter alýǵa bolady:
azamattyq qyzmetke kirý kezinde;
kvazımemlekettik sektor sýbektilerine jumysqa ornalasý kezinde.
Buǵan deıin málimetterdi Qazaqstan Respýblıkasy Bas prokýratýrasynyń Quqyqtyq statısıka jáne arnaıy esepke alý komıteti jáne onyń óńirlik basqarmalary azamattardyń jeke ótinishteri boıynsha E-otinish azamattardyń ótinishterin qabyldaý men óńdeýdiń biryńǵaı platformasy arqyly alýǵa bolatyn.
Málimetter jumys berýshige usynylǵannan keıin, jumysqa qabyldaý týraly sheshimdi jumys berýshi qabyldaıdy. QR Eńbek kodeksine sáıkes, sybaılas jemqorlyq qylmys jasaǵan adamdy kvazımemlekettik sektor sýbektilerine jumysqa ornalasýyna jol berilmeıdi. Bul jańartýlar Qazaqstan Respýblıkasy Prezıdentiniń Jarlyǵy sheńberinde júzege asyrylǵany aıtyldy. eGov.kz portalynda jańa qyzmetti alý úshin paıdalanýshylar:
portalda avtorlanýdan ótý;
basty bette «Azamattarǵa» — «Jumysqa ornalastyrý jáne jumyspen qamtý» — «Jumysqa ornalastyrý jáne jumys izdeý» bólimin tańdaý qajet;
«Adamnyń sybaılas jemqorlyq qylmysy týraly málimetter berý» qyzmetin tańdap, «Qyzmetke onlaın tapsyrys berý» batyrmasyn basý qajet;
qyzmetke ESQ qoıý jáne alý.
Qyzmet kórsetý merzimi:
10 mınýt;
qosymsha tekserý qajet bolǵan jaǵdaıda – 5 jumys kúni;
qosymsha tekserý júrgizilgen jaǵdaıda, 3 jumys kúni ishinde kórsetiletin qyzmetti berýshi suraý salýdy alǵan sátten bastap 20 jumys kúni ótken soń qaıta ótinish berý qajettigi týraly aralyq jaýap joldanady.
Qyzmet kórsetý nátıjesi — habarlama, jeke kabınette «Qyzmetter tarıhy» bóliminde túpkilikti prosestik sheshim qabyldanbaǵan sybaılas jemqorlyq baptary boıynsha qozǵalǵan qylmystyq istiń bolýy ne bolmaýy týraly málimetter bolady.
Bul rette atalǵan qyzmet túri eGov mobaıl qosymshasynyń «Jumysqa ornalastyrý jáne jumyspen qamtý» bóliminde qoljetimdi. Málimetter eGov mobile-ge habarlandyrýlar bólimine jiberiledi.