Iýsýp Batyrmýrzaev pen Marına Sedneva qola medal aldy.
Egıpettiń Aleksandrıa qalasynda kúres túrlerinen reıtıńtik týrnırdiń úshinshi kúni qazaqstandyq 2 balýan qola medalǵa ıe boldy, dep habarlaıdy Almaty-akshamy.kz Qazaqstan kúres túrleri federasıasynyń baspasóz qyzmetine silteme jasap.
Qazaqstan kúres túrleri federasıasynyń baspasóz hatshysy Asfandıar Esenjolov habarlaǵandaı, Ibrahım Mustafa júldesine arnalǵan halyqaralyq týrnırdiń úshinshi kúni qazaqstandyq eki balýan, atap aıtqanda, grek-rım kúresinen 125 keli salmaqta Iýsýp Batyrmýrzaev pen áıelder kúresinen 55 kelide Marına Sedneva qola medalǵa ıe boldy.
Búgin, ıaǵnı jarystyń sońǵy kúni balýandarymyz erkin kúresten synǵa túsedi.