Osyndaı derekter boıynsha senim telefondaryna habarlasýǵa bolady.
Qarjy monıtorıńi agenttigi janar-jaǵarmaıǵa qatysty alypsatarlyqtyń aldyn alý maqsatynda elimizdiń barlyq óńirinde jan-jaqty tekserý júrgizdi, dep habarlaıdy Almaty-akshamy.kz vedomstvonyń baspasóz qyzmetine silteme jasap.
«Búginde jalǵan júk jóneltilim qujattaryn qoldanyp, basqa munaı ónimderi retinde janar-jaǵarmaıdy eksporttaý faktileri anyqtaldy. Keıbir jaǵdaıda josyqsyz kásipkerler egin jınaýǵa jeńildikpen bólingen dızel otynyn qaıta satýmen aınalysqan», – delingen habarlamada.
QMA ókilderi osyndaı derekter boıynsha senim telefondaryna habarlasýǵa bolatynyn aıtty.
«Eger siz janar-jaǵarmaı materıaldaryn respýblıkadan tys jerge zańsyz satý nemese áketý faktilerinen habardar bolsańyz, QMA nemese aýmaqtyq departamentterge táýlik boıy qyzmet kórsetetin senim telefondaryna habarlaýdy suraımyz», – dep eskertti vedomstvo.