Almatyda salyq salýshylar EAEO elderinen taýarlardy ákelý jáne áketý kezinde TİJ engizý jobasyn qalaı iske asyrýda
Osy taqyrypta Almaty qalasy boıynsha Memlekettik kirister departamenti EAEO sheńberinde Qosylǵan qun salyǵyn ákimshilendirý basqarmasynyń basshysy Jan Farabı Seıthannyń qatysýymen Óńirlik komýnıkasıalar qyzmetiniń alańynda brıfıń ótti, dep habarlaıdy Almaty-akshamy.kz
Jan Farabı Seıthannyń aıtýynsha, tasymaldanatyn júkterge júrgizilgen monıtorıń nátıjeleri boıynsha EAEO aýmaǵynda taýarlardyń erkin qozǵalysy sheńberinde salyq tóleýden jaltarýdyń ártúrli sqemalary, onyń ishinde jalǵan alýshylarǵa taýarlardy ákelý qoldanylǵany anyqtaldy.
Sondyqtan, salyq ákimshilendirý prosesterin avtomattandyrý jáne sıfrlandyrý sheńberinde 2020 jyldyń sońynda EAEO elderinen taýarlardy ımporttaý jáne eksporttaý kezinde TİJ engizý boıynsha pılottyq joba iske qosyldy
"TİJ engizýge baılanysty jalpy EAEO elderinen jalǵan alýshylarǵa taýarlar ımporty 2019 jylǵy 10,2 myń faktiden 2021 jyly 259 faktige deıin azaıdy. EAEO elderiniń ımporty boıynsha QQS túsimderi 2021 jyly 35%-ǵa nemese 2020 jylǵa qaraı 236 mlrd teńgege ósti.", - dep statısıkalyq derekterdi ÓKQ spıkeri atap ótti.
Pılottyq jobanyń oń nátıjelerin eskere otyryp, 2023 jyldyń 1 sáýirinen bastap taýarlarǵa ilespe júkqujattardy (TİJ) shyǵarý mindettemesi kúshine endi.
Qazaqstan Respýblıkasy Premer-Mınıstriniń orynbasary – Qazaqstan Respýblıkasy Qarjy mınıstriniń 2023 jylǵy 15 naýryzdaǵy No 278 buıryǵynyń 2-qosymshasyna sáıkes taýarlarǵa ilespe shot-faktýralardy jazý mindeti júkteletin taýarlardyń tizbesi mynadaı:
- «Bıootyn óndirisin jáne aınalymyn memlekettik retteý týraly» Qazaqstan Respýblıkasynyń zańymen retteletin bıootyn óndirilýi men aınalymy.
- «Etıl spırti men alkogól óniminiń óndirisin jáne aınalymyn memlekettik retteý týraly» Qazaqstan Respýblıkasynyń zańymen retteletin etıl spırti jáne alkogól ónimi.
- "Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly" Qazaqstan Respýblıkasynyń zańymen retteletin munaı ónimderiniń jekelegen túrleri.
- Baqylaý mehanızmi týraly kelisim boıynsha qadaǵalanýǵa jatatyn taýarlar
- Eýrazıalyq ekonomıkalyq odaqqa múshe memleketterdiń aýmaǵynan Qazaqstan Respýblıkasynyń aýmaǵyna ákelinetin taýarlar
- Qazaqstan Respýblıkasynyń aýmaǵynan Eýrazıalyq ekonomıkalyq odaqqa múshe memleketterdiń aýmaǵyna áketiletin taýarlar
Kelisimge sáıkes qadaǵalanýǵa jatatyn taýarlardyń tizbesi Eýrazıalyq ekonomıkalyq komısıa Keńesiniń 2022 jylǵy 21 qańtardaǵy No 2 sheshimimen bekitildi.
Pılottyq joba sheńberinde qadaǵalanýy júzege asyrylatyn taýarlar tizbesi syrtqy ekonomıkalyq qyzmettiń taýar nomenklatýrasynyń 11 kodyn (turmystyq tońazytqyshtar men muzdatqyshtar) qamtıdy.
"Aıta ketý kerek, salyq tóleýshi TİJ usynbaǵany jáne TİJ-taǵy málimetterdiń naqty tasymaldanatyn júkke sáıkes kelmeýi úshin ákimshilik jaýapkershilik qarastyrylǵan.", - dedi Jan Farabı Seıthan.
Ákimshilik quqyq buzýshylyq týraly kodeksiniń 283-1-babyna sáıkes, TİJ-ty usynbaý nemese ýaqtyly usynbaý, ataýynyń sáıkes kelmeýi, taýardyń sanyn (kólemin) TİJ-ta senimsiz kórsetý – besten otyz aılyq eseptik kórsetkish mólsherde aıyppul salýǵa ákep soǵady. Sharýashylyq júrgizýshi sýbektige baılanysty eseptik kórsetkishter.
2023 jylǵy 1 sáýirden bastap taýarlarǵa ilespe júkqujattardy (TİJ) shyǵarý jónindegi mindettemeniń kúshine enýine baılanysty Memlekettik kirister qyzmeti salyq tóleýshilerge TİJ-ty mindetti tirkeý qajettiligi týraly túsindirý jumystaryn turaqty negizde júrgizedi, atap aıtqanda:
1) Rıdd operasıalyq zaldarynda bannerler, býkletter ornalastyrylǵan;
2) MKB (Instagram) resmı ınternet-resýrstarynda jedel jeli telefondarynyń nómirleri ornalastyrylǵan;
4) apta saıyn Instagram paraqshalarynda TJK máseleleri boıynsha tikeleı efır ótkiziledi;
5) apta saıynǵy negizde beısenbi kúnderi salyq tóleýshilerdiń qatysýymen ZOOM konferensıalary arqyly SNT-ny tanymal etý boıynsha túsindirý jumystary júrgiziledi.