Bárimizge belgili, qazirgi ýaqytta memleketimizde sıfrlyq platformalar keńinen damyp jatyr. Sonyń biri «E-otinish» aqparattyq júıesi. «Halyq únine qulaq asatyn memleket» tujyrymdamasyn iske asyrý maqsatynda 2021 jyldyń 1- shildesinen bastap «E-otinish» aqparattyq júıesi iske qosyldy. Osyǵan baılanysty azamattardyń aryz-shaǵymymen jumys isteý júıesi de ózgerdi. Endi azamattardan kelip túsken birde-bir joldanym tirkelýsiz jáne jaýapsyz qalmaıdy.
«E-otinish» aqparattyq júıesi joldanymdardy memlekettik organdardyń quzyretine qaraı avtomatty túrde bóledi jáne ótinish berýshini joldanymdardy qaraýdyń barlyq kezeńderi men merzimderi boıynsha habardar etedi jáne de joldanym berýshimen keri baılanys ornatýǵa, memlekettik organdardyń jumys sapasyn baǵalaýǵa múmkindik beredi.
Sondaı-aq, Ákimshilik rásimdik-prosestik kodekstiń 76-babyna jáne 99-babyna sáıkes, kelip túsken aryz, ún qosý, suraý, habar jáne de usynystar 15 jumys kúnniń ishinde, al shaǵym 20 jumys kúnde qaralyp jaýap berilýge mindetti.
Sonymen birge, «E-otinish» aqparattyq júıesi arqyly barlyq memlekettik organdar oqıǵalardan habardar bolyp, azamattardyń qajettilikteri men tilekteriniń naqty kórinisine súıene otyryp, jedel basqarý sheshimderin qabyldaýǵa múmkindik aldy.
Qyzmetti paıdalaný úshin elektrondyq úkimet portalyna kirip, «E-otinish» aqparattyq júıesiniń bannerine ótý qajet. EGov servısinen basqa, «E-otinish» qosymshasy Aitu mobıldi servısinde jáne eGov mobile-da qoljetimdi. Sondaı-aq servısti Halyqqa qyzmet kórsetý ortalyǵynda joldanymdardy qabyldaý ortalyǵynda paıdalanýǵa bolady. «E-otinish» aqparattyq júıesi arqyly jiberilgen barlyq joldanymdar elektrondyq sıfrlyq qoltańbamen rastalýy tıis.
«E-otinish» aqparattyq júıesiniń ereksheligi sol, árbir azamat óziniń ótinishi qaıda, qandaı mekemege joldanǵanyn, qaı kezde qaralǵanyn júıe arqyly qarap, baqylaı alady.
Sondaı-aq, aryz-shaǵymyna degen memlekettik mekemeniń jaýabyn baǵalaýǵa da múmkindik bar.
Sonymen qatar, júıede joldanym tirkelgen azamattarǵa SMS-habarlama arqyly aryz-shaǵymynyń qaralý kezeńderi týraly habarlamalar jiberiledi. Onyń qaralý tarıhy júıede saqtalady jáne memlekettik organ buryn qandaı sheshim qabyldanǵanyn saralaı otyryp, ákimshilik is qalyptastyra alady.
Eger, ótinish ıesi berilgen jaýappen kelispegen jaǵdaıda Qazaqstan Respýblıkasy Ákimshilik rásimdik-prosestik Kodeksiniń 91-babyna sáıkes, joǵary turǵan organǵa nemese sotqa shaǵymdanýǵa quqyly jáne áreketsizdik belgili bolǵan kúnnen bastap 3 aı merziminen keshiktirmeı berilý qajet.
Shaǵym jazbasha (qaǵaz jáne (nemese) elektrondyq) nysanda beriledi, 20 jumys kúnde qaralady. Shaǵymdy qaraıtyn organ shaǵymdy durys qaraý úshin mańyzy bar naqty mán-jaılardy jan-jaqty, tolyq jáne obektıvti zertteý úshin sharalar qabyldaýǵa mindetti.