Almaty ákimi Erbolat Dosaev halyqpen kezdesý barysynda Jetisý aýdanynda ınjenerlik ınfraqurylymdy damytý jónindegi nátıjeler men josparlar týraly aıtty, dep habarlaıdy aqshamnews.kz aqshamnews.kz
Sapaly ınjenerlik ınfraqurylymdy qamtamasyz etý úshin Almatyda jańa jelilerdi qaıta qurý jáne salý boıynsha belsendi jumystar jalǵasýda. Jetisý aýdanynda 2024 jyly 47 km sýmen jabdyqtaý (28 km) jáne sý burý (19 km) jelileri salyndy, bul 36 kóshede 3,8 myń abonent úshin ortalyqtandyrylǵan jelilerge qol jetkizýdi qamtamasyz etýge múmkindik beredi. Aǵymdaǵy jyldyń sońyna qaraı 55 kóshede 60 km sýmen jáne 71 km sý burýdy qosa alǵanda, taǵy 131 km sýmen jabdyqtaý jáne sý burý jelileriniń qurylysyn aıaqtaý josparlanýda.
Qala basshysy turǵyndardyń ózderi sharýashylyq tásilmen salǵan eski ınjenerlik jeliler 30 jyldan astam ýaqyt paıdalanylǵan kóshelerdegi ınfraqurylymdy jaqsartýǵa erekshe nazar aýdarylǵanyn atap ótti. Máselen, 2025 jyldyń maýsym aıynda Rysqulov – Tátibekov – Raıymbek – Súıinbaı kósheleriniń alańynda 4 myńnan astam abonentti qamtı otyryp, jańa 25 km sýmen jabdyqtaý jáne sý burý jelilerin salý jónindegi jobany iske asyrý bastalady. Jumystardy aıaqtaý 2026 jyldyń tamyzyna josparlanýda.