Erjan Babaqumarov Dýaldy oqytýdy engizý boıynsha jumysty kúsheıtýdi tapsyrdy
Erjan Babaqumarov suranysqa ıe mamandyqtar boıynsha bilikti kadrlar daıarlaý úshin kolejderdiń jabdyqtalýymen tanysty, dep habarlaıdy Almaty-akshamy.kz.
Almaty qalasy ákiminiń orynbasary Erjan Babaqumarov Bilim basqarmasynyń basshysy Lázzat Jylqybaevamen birge Energetıka jáne elektrondyq tehnologıalar koleji men kópsalaly kolejine baryp, qaladaǵy «Jas maman» jobasynyń iske asyrylý barysymen tanysyp, materıaldyq-tehnıkalyq jaraqtandyrylýyn kórdi.
«Jas maman» jobasy qazirgi zamanǵy jabdyqtarmen jaraqtandyrý arqyly kolejderdi jańǵyrtýǵa baǵyttalǵan, ol jas mamandardyń neǵurlym suranysqa ıe kásipter boıynsha daǵdylaryn qalyptastyrýǵa baǵyttalǵan. Almatyda oqý-materıaldyq bazany nyǵaıtýda memlekettik qoldaý sharalarymen joba sheńberinde 18 kolej qamtyldy, oǵan joǵary tehnologıalyq ınovasıalyq jabdyqtar, tehnıka men kompúterler satyp alyndy. Máselen, 2021-2022 jyldary osy joba sheńberinde kadrlar daıarlaýǵa memlekettik tapsyrys 11 405 orynǵa, onyń ishinde «Eńbek» baǵdarlamasy boıynsha 2500 orynǵa 48 kolejde ornalastyryldy. Ótken jyly 11 219 oryn bólindi. Aıta ketsek, oqytý tegin jáne tańdalǵan mamandyqqa baılanysty 2-3 jylǵa sozylady.
Sapar barysynda jobalaý, qurastyrý, júıelerdi iske qosý jáne qyzmet kórsetýge deıingi tolyq tizbekti iske asyrý úshin ınteraktıvti jabdyqpen jabdyqtalǵan oqý-óndiristik sheberhanalar, oqý sabaqtarynyń aýdıtorıalary qaraldy. Energetıka jáne elektrondyq tehnologıalar kolejinde ákim orynbasary jańartylatyn energıa kózderi, elektr jabdyqtary salasyndaǵy zerthanalarda, kún panelderin qurastyrý sehynda boldy. Sondaı-aq, bilim alýshylardyń salaýatty ómir saltyn qalyptastyrýǵa arnalǵan oryndardy da aralady. Mysaly, kolejde jabdyqtalǵan sport kesheni bar: voleıbol, basketbol alańdary, fýtbol alańy, tenıs zaly, boks zaly, workout aımaǵy.
Qala ákiminiń orynbasary Erjan Babaqumarov oqý ýaqytynyń 40%-na deıin oqýshylar kásiporyndarda ótkizetin dýaldy oqytýdyń jańa zerthanalary men óndiristik synyptarynyń bazasynda damytý boıynsha mindetterdi belgiledi. Osy maqsatta bıznes-qoǵamdastyqpen yntymaqtastyq boıynsha jumysty kúsheıtý, onyń ishinde túlekterdi odan ári jumysqa ornalastyrýdy qamtamasyz etý tapsyryldy. Kolejderdi jańǵyrtý jáne respýblıkalyq jáne halyqaralyq deńgeılerde talap etiletin bilikti mamandardy daıarlaýdyń halyqaralyq tájirıbesin engizý, jekelegen mamandyqtar boıynsha quzyrettilik ortalyqtaryn uıymdastyrý, sondaı-aq WorldSkills chempıonattaryna qatysýshylardy daıyndaý boıynsha birqatar tapsyrma berildi.