Jibek Joly telearnasyndaǵy «Eń aqyldy» zıatkerlik oıynynyń jeńimpazy anyqtaldy, dep habarlaıdy Almaty-akshamy.kz.
On eki irikteý kezeńinen, tórt shırek fınal men eki jartylaı fınaldan alǵa shyqqan alty úzdik oıynshy keremet oıyn kórsetti.
Zıatkerlik oıyn talantty jáne bilimdi mektep oqýshylaryna arnalǵan. Oqýshylar úlken maqsatty murat tutyp, baq synasýǵa emes, oıyn alańynda bilimi men babyn synaıdy. Olar «Eń aqyldy» degen atqa laıyq ekenderin dáleldedi.
Bas júlde – elimizdiń eń úzdik joǵary oqý oryndarynyń bilim granty.
Saıys 4 kezeńnen turdy. Birinshisi: «Sergitý», odan keıin «Blıs», «Suraq-jaýap» jáne «Múmkindik».
«Eń aqyldy» zıatkerlik oıynynyń jeńimpazy Janasyl Erlanǵa Qanysh Sátbaev atyndaǵy Qazaq ulttyq tehnıkalyq ýnıversıtetine oqýǵa grant berildi.