Qazaqstan jastar quramasy Portýgalıanyń Anadıa qalasynda dzúdodan ótken Eýropa kýboginde 9 medal jeńip aldy.
Qazaqstan dzúdo federasıasynan málim etkenindeı, atalǵan jarysta qazaqstandyq jas tatamı sheberleri 1 altyn, 4 kúmis, 4 qola júldege ıe boldy, dep habarlaıdy almaty-akshamy.kz.
Atap aıtqanda, Talǵat Orynbasar (60 kg) chempıon atansa, Azat Kúmisbaı (81 kg), Nurjan Bısenov (90 kg), Dinasyl Táttimbek (-100 kg) jáne Jantilek Nurtilepuly (+100 kg) kúmis júldemen marapattaldy. Oǵan qosa Aldıar Qarǵulov (60 kg), Gleb Azarov (81 kg), Asqar Birjanov (90 kg) jáne Nuraılym Sársenbek (52 kg) úzdik úshtikke kirdi.
Eýropa kýbogi qorytyndysynda Qazaqstan jastar quramasy jalpy medal kestesinde 17 el ishinde 5-orynǵa turaqtady.