Osynda meniń Dáýlet Turlyhanov esimdi qudam bar
Dúnıejúzilik densaýlyq saqtaý uıymynyń bas dırektory Tedros Adhanom qazaq tilin úırenbek dep habarlaıdy Almaty-akshamy.kz.
Bul týraly ol Densaýlyq saqtaý mınıstrliginiń basshylyǵymen ótken kezdesýde aıtty dep jazdy adyrna.kz.
«Buǵan deıin Qazaqstanda eki ret boldym. 2017 jyly bir ret Almatyǵa bardym. 2018 jyly dáriger Tóregeldi Sharmanovpen alǵashqy medısınalyq-sanıtarlyq kómek jónindegi konferensıada kezdestim. Osy ýaqyt aralyǵynda men qazaqtyń qudasy emes edim. Biz 2022 jyly qudalastyq. Óte qýanyshtymyn. Osynda meniń Dáýlet Turlyhanov esimdi qudam bar. Bul Qazaqstannyń meniń de úıim ekenin bildiredi. Jaqyn arada nemerem menimen qazaqsha sóılesetin bolady. Sondyqtan nemerem úshin qazaq tilin úırenemin», - dedi ol.