Almatyda 1976 jyldan beri paıdalanylyp kele jatqan qubyrdy aýystyrý úshin Dýnaevskıı men Levıtan kósheleriniń arasyndaǵy tar kóshede kólik qozǵalysy shekteledi.
2024 jyldyń 5 tamyzy men 15 qyrkúıegi aralyǵynda Almaty qalasy Bostandyq aýdanynda Dýnaevskıı men Levıtan kósheleriniń arasyndaǵy tuıyq kóshede avtokólikter úshin qozǵalys jabylady. Eki baǵytta da avtokólik qozǵalysy jabylady, dep habarlaıdy aqshamnews.kz
Ýaqytsha shekteýler 1976 jyldan beri paıdalanylyp kele jatqan jalpy uzyndyǵy 1240 metr bolatyn, atalǵan kósheniń kólik joly bóliginiń astynan ótetin qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin engizilmek.
Bul qubyrjol 153 kóppáterli turǵyn úıdi, 7 jeke turǵyn úıdi, 5 balabaqshany, 4 mektepti, 2 densaýlyq saqtaý nysanyn jáne basqa da 15 nysandy jylýmen jáne ystyq sýmen qamtamasyz etedi.
Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
«Almaty jylý júıesi» JSHS ýaqytsha qolaısyzdyqtar úshin keshirim surap, túsinistikpen qaraýdy suraıdy.