Medeý aýdanynda qandaı medısınalyq nysandar boı kóteredi?
Medısınalyq qyzmet kórsetýdi jaqsartý maqsatynda «Dýman» shaǵyn aýdanynda 500 kelýshige arnalǵan jańa emhana salý josparlanýda, dep habarlaıdy Almaty-akshamy.kz.
Qazirgi ýaqytta jobalaý-smetalyq qujattamasy ázirlenýde, aıaqtalý merzimi – osy jyldyń IV-shi toqsany.
№4 («Samal-3» shaǵyn aýdany) jáne №10 (Aıdyn kóshesi, 9) jedel járdem kórsetetin qosalqy stansıalardyń eskirgen ǵımarattaryn buzyp, zamanaýı ǵımarattar salýǵa jobalaý-smetalyq qujattama ázirleý bastaldy. Aıaqtalý merzimi – osy jyldyń IV-shi toqsany.
Osy jyldyń IV-shi toqsanynda seısmıkalyq kúsheıte otyryp, «Alataý» qalalyq aýrýhanasynyń janyndaǵy Qalalyq emhananyń ǵımaratyn rekonstrýksıalaý boıynsha jobalaý-smetalyq qujattamany aıaqtaý josparlanýda.
Osy jyldyń III-shi toqsanynda №2 qalalyq mamandandyrylǵan balalar úıin kúrdeli jóndeý úshin jobalaý-smetalyq qujattama aıaqtalady (Baıjanov kóshesi, 107/5).