Alekseı Soı epıdemıologıalyq ahýalǵa baılanysty oıyn jetkizdi
Bul týraly feısbýktegi paraqshasynda jazdy, dep habarlaıdy Almaty-akshamy.kz. 24.kz-ke silteme jasap.
Elde "delta" shtamynyń belsendi taralýy men vaksınalaýdyń qazirgi qarqynyn eskersek, pesımısik senarı boıynsha shilde men qyrkúıek aılarynda shamamen 400 myń adam vırýs juqtyrýy múmkin. Bul ortasha eseppen tamyz aıynda táýligine 6 myń jaǵdaıdan joǵary bolmaq. Densaýlyq saqtaý mınıstri Alekseı Soı epıdemıologıalyq jaǵdaıǵa qatysty osyndaı jańa boljam jarıalady. Al ekinshi, realısik senarı boıynsha osy aralyqta shamamen 355 myń adamnyń aǵzasynan juqpaly aýrý belgisi anyqtalýy yqtımal. Iaǵnı ortasha eseppen tamyz aıynda táýligine 5,3 myń jaǵdaıdan joǵary. Al optımısik senarı boıynsha aldaǵy 3 aıda 330 myńǵa jýyq adamnyń PTR testileýi oń nátıje kórsetedi. Iaǵnı orta eseppen táýligine 5 myńǵa jýyq adam vırýs juqtyrýy múmkin.