Saýd Arabıasynda ótip jatqan Dúnıejúzilik qorǵanys kórmesi aıasynda Lucid Motor kompanıasy polısıaǵa arnalǵan elektr kóligin usyndy.
Kóliktiń artyqshylyǵy – mıgalkisinde.
Onda ushqyshsyz barlaýshy drondar jasyrylǵan, dep habarlaıdy almaty-akshamy.kz.
Kvadrokopter sanaýly sekýndtarda ushyp ketý múmkindigine ıe. Ol úshin kóliktiń ishindegi túımeni bassańyz bolǵany.
Dron qylmyskerlerdi nemese iz-tússiz joǵalǵan adamdy izdeý úshin aýmaqty tekserýge múmkindik beredi. Áýeden túsirilgen sýret onlaın rejıminde kóliktiń ishinde ornalasqan ekranda birden kórsetiledi.
Lucid Air kóligi Saýd Arabıasynyń polısıa qyzmetkerlerine 2024 jyly beriledi dep kútilýde.