Qyz WhatsApp-taǵy topqa ózin taksı júrgizýshisi urlap ketkenin jazyp, dostarynan kómek suraǵan.
Dostarymen ázildespek bolǵan 19 jastaǵy qyzǵa 91 myń teńge aıyppul salyndy, dep habarlaıdy Almaty-akshamy.kz
Elordadaǵy qalalyq polısıa departamenti baspasóz qyzmetiniń málimetinshe, túngi bir jarymda «102» arnasyna E-565 kóshesinde «Indraıver» arqyly jolaýshy tasıtyn «Toyota Camry» avtokóliginiń júrgizýshisi qyzdy belgisiz baǵytta alyp ketkeni týraly aqparat tústi.
«Jas qyz WhatsApp messendjerindegi topqa ózin urlap áketip bara jatqanyn aıtyp, dostarynan kómek suraǵan. Alaıda tekseris barysynda mundaı fakt rastalǵan joq», - delingen habarlamada.
Anyqtalǵandaı, 19 jastaǵy boıjetken chattaǵy dostarymen osylaı ázildespek bolǵan.
Bul fakti boıynsha elorda turǵyny Ákimshilik quqyqbuzýshylyq týraly kodekstiń 438-baby «Arnaıy qyzmetterdi kórineý jalǵan shaqyrý» boıynsha ákimshilik jaýapqa tartyldy. Oǵan 30 AEK nemese 91 890 teńge aıyppul salyndy.