27 jańa ostanovka konstrýksıasyn ornatý jumystary aıaqtaldy.
Almaty ákimi mindetin atqarýshy Erbolat Dosaev qarashanyń 30 kúni Túrksib aýdany halqymen kezdesý barysynda atqarylǵan jumystar jaıynda atty, dep habarlaıdy Almaty-akshamy.kz.
«Osy jyldyń qyrkúıek aıynda ótken kezdesý barysynda Qaırat shaǵyn aýdanynyń turǵyndary Sulýshash, Kórimdik, Sybyzǵy kóshelerindegi joldardy jóndeý týraly ótinish bildirdi. Búginde olar boıynsha jumystar aıaqtaldy, 2,5 km jolǵa asfált tóseldi.Sonymen qatar, aýdanda uzyndyǵy 9 km bolatyn 17 kóshe jóndelip, jalpy aýdany 20 myń kv. metr 89 kóshege aǵymdaǵy jóndeý júrgizildi.Turǵyndardyń júrip-turýyna yńǵaıly bolý úshin 11 kóshege uzyndyǵy 9 km trotýar salyndy jáne jóndeldi.2023 jyly uzyndyǵy 42 km bolatyn 31 kóshege qosymsha jóndeý júrgizilip, taǵy 35 kóshege – 27 km trotýar salynady», - dedi Erbolat Dosaev.
Sonymen qatar ákim qyzmetin atqarýy Erbolat Dosaev Hmelnıskıı kóshesinen Talǵar traktine deıingi kósheni uzartyp salýǵa jobalaý-smetalyq qujattama ázirlenip eatqanyn aıtty. Aıaqtalý merzimi 2023 jyldyń sońyna deıin. Qurylys-montajdaý jumystary 2024-2025 jyldary júrgiziletin bolady.
«Magıstraldy joldar arqyly ótý yńǵaıly bolý úshin B. Hmelnıskıı, E. Bekmahanov, Súıinbaı jáne Lavrenev kóshelerinde 11 retteletin svetofor jáne Seıfýllın dańǵylynda, Shemákın, Papanın jáne Jumabaev kóshelerinde 5 svetofor iske qosyldy. Sondaı-aq, Túrksib aýdanynyń aýmaǵynda qaýipsizdikti qamtamasyz etý úshin osy jyldyń qarasha aıynan bastap 174 adreste 322 beınebaqylaý kamerasyn ornatý jumystary bastaldy. Jumystar 2022 jyldyń jeltoqsan aıynyń sońyna deıin aıaqtalady». –dedi Erbolat Dosaev.
Sonymen birge qala basshylyǵy 2023 jyldyń sáýir aıynda 96 adreske 448 «Sergek» kamerasyn óndiristik paıdalaný maqsatynda iske qosýdy josparlap otyr.
«Osy jyldyń sońyna deıin jer ústindegi jaıaý júrginshiler júretin perehodtardaǵy kótergish qurylǵylardy qalpyna keltirý jumystary aıaqtalady (Maılın kóshesi men Súıinbaı dańǵyly boıynda). Qazirdiń ózinde vandalızmniń aldyn alý úshin 30 beınebaqylaý kamerasy ornatyldy, ony Túrksib aýdanynyń polısıasy kóre alady. Álmerek, Nurshashqan shaǵyn aýdandaryna jáne aýdannyń 23 kóshesine 27 jańa ostanovka konstrýksıasyn ornatý jumystary aıaqtaldy»,- dedi Erbolat Dosaev.
Onyń aıtýynsha, kelesi jyly Rysqulov dańǵylynyń boıyndaǵy (Parasat turǵyn úı kesheni) jáne temirjol arqyly (Kostromskaıa kóshesine shyǵatyn Erjanov kóshesiniń boıyna) 2 jer ústindegi jaıaý júrginshiler ótkelin (prohodyn) salý josparlanǵan, jobasy daıyn, 2022 jyldyń sońyna deıin memlekettik saraptama qorytyndysyn alamyz.
«Turǵyndarǵa qyzmet kórsetý sapasy men qolaılyǵyn arttyrý maqsatynda №215 marshrýt Jas Qanat shaǵyn aýdanynan Shýaqty shaǵyn aýdanyna deıin uzartyldy (6,5 km.), reıske shyǵatyn avtobýs sany 5-ten 7-ge deıin kóbeıdi. Sonymen qatar, 4 marshrýttaǵy (№8, 36, 69, 138) 39 avtobýs jańartyldy»,- dedi Erbolat Dosaev.