Buryn kóterilgen máselelerdiń 85%-y sheshildi.
Almaty ákimi Erbolat Dosaev qaladaǵy Jetisý aýdanynyń turǵyndarymen kezesý barysynda jasalyp jatqan jumystar týraly aıtty, dep habarlaıdy Almaty-akshamy.kz.
Qazirgi ýaqytta aýdanda sý jáne elektrmen jabdyqtaý, kóshelerdi sý basý jáne kólik-jol ınfraqurylym máselelerin sheshý, áleýmettik salany damytý men abattandyrý boıynsha qarqyndy jumystar júrip jatyr.
«Sizderdiń ótinishterińiz boıynsha osy jyldyń tamyz aıynda Rabochıı kentindegi 22 kósheniń sýmen jabdyqtaý jáne káriz jelileri «Almaty Sýdyń» balansyna berildi. Qazirgi ýaqytta 47 km jeli synaqtan ótkizilip jatyr. Olardyń 37 km – sýmen jabdyqtaý, 10 km – káriz jelileri. Synaq júrgizilgennen keıin kelesi jyldyń sáýir aıynda olardy paıdalanýǵa berý kózdelgen. Sonymen qatar, bıyl qazan aıynyń sońyna qaraı Qazybaev – Rysqulov – Tátibekov - Raıymbek kósheleriniń shegindegi sýmen jabdyqtaý jelilerin rekonstrýksıalaý jáne káriz jelilerin salý jumystaryn aıaqtaý josparlanǵan (sý qubyry – 43 km, kápiz – 15 km, 2019 jyly «Alvıs» jaýapkershiligi shekteýli seriktestigi bastady). Jumystar 90%-ǵa oryndaldy, 30 kóshege asfált tóseldi», - dedi Erbolat Dosaev.
Sonymen qatar, ákimniń aıtýynsha, Palladın – Pavlodar – Selskaıa – Boraldaı kósheleri jáne "Kemel" shaǵynaýdanynyń turǵyndaryn elektr energıasymen úzdiksiz qamtamasyz etý úshin osy jyldyń mamyr aıynda 40 km eskirgen jelilerdi rekonstrýksıalaý jumystary bastaldy.
«Qazir osy mekenjaılarda merdiger uıymdar («ABM Building» jáne «ES Enerdjı») temirbeton tirekterdi ornatyp, kabel jelilerin tartý jumystaryn júrgizýde. Qazirdiń ózinde 600 tirek ornatyldy, 10 km kabel tartyldy. Palladın – Pavlodarskaıa – Selskaıa - Boraldaı kóshelerindegi jumystar osy jyldyń sońyna deıin, Kemel shaǵyn aýdanyndaǵy jumystar 2023 jyldyń sáýir aıynda aıaqtalady.Bul 4 000-nan astam abonentti elektr energıasymen úzdiksiz qamtamasyz etýge múmkindik beredi», - deıdi ákim.