Katarda fýtboldan ótip jatqan álem chempıonatynda Ispanıa quramasy rekordtyq nátıjege qol jetkizdi.
Kosta-Rıkany 7:0 esebimen oısyrata jeńgen Ispanıa dopty ustaý jóninen álem chempıonattarynyń rekordyn jasady, dep habarlaıdy Almaty-akshamy.kz QazAqparatqa silteme jasap.
Lýıs Enrıkeniń shákirtteri atalmysh oıynda dopqa 81,7 paıyz ıelik etti. Buǵan deıin dúnıejúzilik dodanyń rekordy Argentınaǵa tıesili edi. Argentınalyqtar 2010 jylǵy birinshilikte Grekıamen machta oıyn ýaqytynyń 80,3 paıyz bóliginde dopty óz ıeliginde ustaǵan bolatyn. Úshinshi kórsetkish te ıspanıalyqtardyń úlesinde. Olar 2018 jyly Reseımen básekede 78,9 paıyz dopty baǵyndyrǵan edi.
Kosta-Rıkamen oıynda sondaı-aq ıspanıalyq jartylaı qorǵaýshy Gavı (18 jas, 110 kún) 1958 jylǵy chempıonattan bergi kezeńde gol soqqan eń jas fýtbolshy atandy.
Álem chempıonattarynyń tarıhynda tek eki oıynshy ǵana Gavıdiń aldynda tur. Bireýi – fýtbol koroli Pele (17 jas, 249 kún) 1958 jylǵy chempıonatta kózge tússe, ekinshisi – meksıkalyq Manýel Rosas (18 jas, 93 kún). Ol 1930 jyly gol soqty.