Daryn Mýbarovtyń «Ýaqyt kórsetedi» kanalyna bergen suhbatynda dombyra týraly pikiri kópshiliktiń nazaryn aýdartty.
Nurseıit Jylqyshybaıdyń “Yrymǵa senesiz be?” degen suraǵyna ol óziniń dinı qaǵıdalaryn aıtyp ótti. Ol mańdaıynyń sájdege tıgenine 30 jyldan astam ýaqyt ótkenin jáne óziniń negizgi ólshem birliginiń Allanyń sózi jáne paıǵambardyń ósıeti ekenin atap ótti. Sonymen qatar, ol yrymǵa senbeıtinin de aıtty.
Jýrnalısiń dombyra, aıtys, kúı-terme haram ba degen suraǵyna jaýap bere otyryp, Daryn Mýbarov mýzykalyq aspaptarǵa dinde ruqsat berilmegenin aıtty. Ol keńes úkimeti qulaǵan kezde «álem» degen kitapta Dına Nurpeıisova týraly áńgime bar ekenin jáne Dına apamyzdyń da dombyranyń durys emes ekenin bilgenin, biraq jalǵastyra bergenin eske aldy. Daryn Mýbarov dombyra tartý qarapaıym halyq úshin zıan bolmaýy múmkin ekenin, biraq molda adamǵa bul durys emes ekenin aıtty.
Sonymen qatar, dinı maman retinde ol Hanafı mazhabynda dombyranyń ruqsat etilmeıtinin eskertip ótti. Bul sózdiń artynda úlken dinı negiz bar ekenin jetkizdi.