Saýda nátıjesinde dollardyń ortasha saralanǵan baǵamy 0,48 teńgege kóterilip, 465,28 teńgeni qurady.
Qytaı ıýaniniń ortasha saralanǵan baǵamy derlik ózgerissiz qalyp, 63,78 teńgeni qurady.
QR Ulttyq bankiniń resmı málimeti boıynsha, dollar baǵamy – 464,72 teńge, eýro – 496,32 teńge, rúbl – 5,4 teńge.
Bul rette munaıdyń standartty suryptarynyń álemdik baǵasy ótken aptanyń sońyndaǵy kóterilgennen keıin 24 maýsymda birqalypty tómendep jatyr.
Londonnyń ICE Futures bırjasynda Brent markaly munaıdyń tamyz fúchersteriniń quny barreline $85,17 qurady, bul aldyńǵy saýdanyń jabylýyndaǵy kórsetkishten 7 sentke tómen.
Nú-Iork taýar bırjasynda (NYMEX) elektrondy saýdada WTI munaıynyń tamyz aıyndaǵy fúchersteri de arzandap, 80,66 dollardy qurady. Aldyńǵy saýdada kelisimshart bir barel úshin $0,56 (0,7%) arzandap, $80,73 qurady.