Qazaqstan qor bırjasy (KASE) 15:30-daǵy jaǵdaı boıynsha dollardyń ortasha saralanǵan baǵamy taǵy 2,76 teńgege tómendep, 443,784 teńgeni quraǵanyn habarlady, dep jazady Almaty-akshamy.kz.
Qytaı ıýaniniń ortasha saralanǵan baǵamy da tómendep, 61,32 teńgeni (-0,46) qurady.
Ulttyq bank eýro baǵamyn 486,91 teńge, rúbldi 4,99 teńge dep belgiledi.
Aqsha aıyrbastaý oryndarynda dollar 445-448,5 teńge, eýro 483,5-488 teńge, reseı rýbli 4,95-5,19 teńge aralyǵynda satylyp jatyr.
Bul rette munaıdyń álemdik baǵasy aýksıonda ártúrli baǵytta ózgerdi.
Osylaısha ICE Futures elektrondyq saýdasynda Brent markaly qyrkúıektegi fúchersteriniń quny 1,17%-ǵa arzandap, barreline 75,36 dollardy qurady.
NYMEX elektrondy saýdasynda WTI markaly munaıdyń tamyz aıyndaǵy fúchersteri barreline 0,90%-ǵa ósip, 70,42 dollardy qurady.