Doktorantýraǵa grantqa jáne aqyly negizde oqýǵa túsý shegi – 75 bal
Ulttyq testileý ortalyǵy doktorantýraǵa synaq tapsyrǵandardyń jınaǵan upaıynyń qorytyndysyn jarıalady, dep habarlaıdy Almaty-akshamy.kz QazAqparatqa silteme jasap.
Doktorantýra emtıhanynyń nátıjesin myna siltemeden júktep alýǵa bolady.
«Qosymsha aqparat boıynsha qujat tapsyrǵan JOO-ǵa júgine alasyzdar» dep eskertti testileý ortalyǵy.
Eske sala keteıik, buǵan deıin elimizde doktorantýraǵa túsý emtıhandary bastalǵanyn habarlaǵan bolatynbyz.
Bıyl doktorantýraǵa túsýge úmitkerler áńgimelesýden ótip, esse jazdy, sondaı-aq oqýǵa daıyndyǵyn anyqtaýǵa arnalǵan test jáne bilim baǵdarlamasy tobynyń beıini boıynsha emtıhan tapsyrady.
Sonymen qatar doktorantýraǵa túsý úshin shet tilin jáne Qaztest júıesi boıynsha (Qaztest emtıhanyn 25 tamyzǵa deıin tapsyrýǵa bolady) memlekettik tildi meńgergenin rastaıtyn sertıfıkat bolýy mindetti.
Bıyl doktorantýraǵa túsýge 2 myńǵa jýyq úmitker ótinish bergen. Qujat 5 shilde men 5 tamyz aralyǵynda qabyldandy.
Oqýǵa túsý úshin bir ǵana joǵary oqý ornyn jáne bir bilim baǵdarlamasyn tańdaýǵa bolady.
Doktorantýraǵa grantqa jáne aqyly negizde oqýǵa túsý shegi – 75 bal.