Ataqty akter ári prodúser Djekı Chan «Dospehı Boga: Últımatým» fılminiń rejıseri retinde Qazaqstannan shyqqan rejıser Robert Kýndi tańdady, - dep habarlaıdy Aqshamnews.kz.
Robert Kýn - álemdik deńgeıdegi ekshn-sahnalardyń qoıýshysy. Ol buǵan deıin Disney, Paramount, Universal jáne 20th Century Fox sekildi jetekshi kınokompanıalarmen jumys istegen. Onyń qatysýymen túsirilgen jobalar qatarynda «Osobo opasen», «On - drakon», «Prezıdent Lınkoln: Ohotnık na vampırov», «Maıor Grom: Igra» sıaqty fılmder bar.
Salem Entertainment kompanıasynyń málimetinshe, «Dospehı Boga: Últımatým» kartınasynyń túsirilim jumystary 2026 jyldyń kókteminde bastalady.
Aıta keteıik, buǵan deıin qazaqstandyqtar áleýmettik jelide Djekı Channyń Almatyda júrgenin jarysa jazǵan bolatyn. Jeli qoldanýshylary onyń elimizge kelý maqsatyna túrli joramal aıtqan: biri fýtbol machyn kórýge keldi dese, endi biri Dımash Qudaıbergenmen kezdesýge kelgen bolar dep boljady.
Alaıda keıin belgili bolǵandaı, akter Almatyǵa aldaǵy fılmine lokasıa qaraý úshin arnaıy kelgen. Iaǵnı, «Dospehı Boga: Últımatým» fılmi Qazaqstanda, naqtyraq aıtqanda Almatyda túsirilýi múmkin.