Ataqty akter Djekı Channyń dombyramen án salyp otyrǵan beınejazbasy tarady.
Beınejazbada kıno álemindegi eń tanymal ekshen-keıipkerlerdiń biri Djekı qazaqtyń ulttyq aspabynyń súıemeldeýimen qytaısha án shyrqap otyr, dep habarlaıdy Almaty-akshamy.kz Elorda.info-ǵa silteme jasap.
Buǵan rıza bolǵan otandastarymyz «Bizdiń Dımash Djekı Chanǵa motıvasıa bergen», «Jaraısyń, Djekı Chan!», «Djekı Chan balalyq shaǵymyzdy óz fılmderimen qyzyqty etti» degen sıpattaǵy pikirler qaldyrdy.
Aıta keteıik, Djekı Chan 1954 jyldyń 7 sáýirinde Gonkongte týǵan. Ol – ataqty qytaılyq jáne amerıkalyq aktór, kaskadór, kınorejısór, prodúser, senarısshi, shaıqas kórinisterin qoıýshy, ánshi, IýNISEF elshisi.
Djekı Chan – álemdegi eń tanymal ekshen-keıipkerlerdiń biri, ol akrobatıkalyq jekpe-jek stılimen, komedıalyq darynymen, sondaı-aq jekpe-jekte "ımprovızasıalanǵan quraldardyń" barlyq túrlerin qoldanýmen tanymal. Ol 100-den astam fılmde oınady jáne álemdegi eń tanymal azıalyq akterlerdiń biri. Kınodan basqa, ol ánshilik mansappen de aınalysady. Kóptegen fılmderinde án aıtady jáne 1980 jyldardan bastap álbomdar shyǵarady.
Kıno ónerine qosqan úlesi úshin "Oskar" qurmetti syılyǵynyń ıelengen.