Tanymal akter Djekı Chan Almatyǵa ne úshin kelgeni belgili boldy, - dep habarlaıdy Aqshamnews.kz tilshisi.
Salem Entertainment málimetinshe, taraptar iri jobany júzege asyrýǵa kirisken. Akter komandamen aldaǵy kartınanyń túsirilim alańdaryn tańdady. Fılmniń negizgi bóligi Qazaqstanda túsiriletin bolady.
"Tolyǵyraq málimetti ázirge qupıa saqtaımyz. Biraq senińizder, alda sizderdi ǵalamat jańalyqtar kútýde. Jańalyqtarymyzdy baqylap otyryńyzdar, eń qyzyqtysy áli alda!" – delingen habarlamada.
Eske salaıyq, buǵan deıin Almatyda áıgili akter Djekı Channyń júrgeni jaıly aqparat áleýmettik jelide qyzý talqylanǵan edi.
23 qyrkúıekte túsirilgen foto men beınejazbalarda Djekı Chanǵa uqsaıtyn adam Almaty halyqaralyq áýejaıynda baıqalǵan.