Almatyda QR Saýda jáne ıntegrasıa mınıstrligi uıymdastyrǵan «Bereke Fest» respýblıkalyq aksıasy aıasynda «demalys kúni» jármeńkeleri jalǵasyp jatyr. Aksıa aıasynda balǵyn kókónister, jemister, et jáne basqa da kúndelikti qajet ónimder naryq baǵasynan 10-15% arzan satylady.
Atap aıtsaq,
- sıyr etiniń bir kelisi 2950 teńgeden,
- qoı eti 2500 teńgeden,
- taýyq eti 1100 teńgeden,
- kúnbaǵys maıy 800 teńgeden,
- jumyrtqa 500 teńgeden,
- kartop 190 teńgeden,
- sábiz 180 teńgeden,
- qyryqqabat 13 teńgeden,
- qyryqqabat 100 teńgeden satylýda. Aldaǵy demalys kúnderi shamamen 700 tonna ónim satylmaq.
Jármeńkelerdi «Almaty «Áleýmettik-kásipkerlik korporasıasy» («Almaty» ÁKK) uıymdastyryp keledi. Jyl basynan beri Almatyda 311 jármeńke ótti, onda 300-den astam fermer 20,8 myń tonnaǵa jýyq 1 000-nan astam túrli aýyl sharýashylyǵy ónimderin satqan edi. Kelýshiler fermerlik ónimderdi deldalsyz, óndirýshilerden tikeleı qoljetimdi baǵamen satyp alatyn bolady.
Jármeńkeler qalanyń kelesi aýdandarynda ár senbi jáne jeksenbi kúnderi saǵat 09:00-den 18:00-ge deıin ótedi. Almaly aýdany: Abylaı han dańǵyly, Qazybek bı kóshesiniń qıylysy (Túrkistan oblysynan aýyl sharýashylyǵy taýaryn óndirýshilerdiń keńeıtilgen jármeńkesi); Almaly aýdany: Masanchı kóshesi, Gogol kóshesi men Áıteke bı kóshesi arasynda; Bostandyq aýdany: «Qazaqfılm» sh/a, Isınalıev kóshesi; Áýezov aýdany: Ótegen batyr kóshesi-Abaı dańǵylynan tómen; Medeý aýdany: Meńdiqulov býlvary-Bekturov kóshesiniń qıylysy; Jetisý aýdany: «Qulager sh/a», Serikov kóshesi, 2.
Budan bólek, Almaty qalasy Kásipkerlik jáne ınvestısıalar basqarmasy Almaty qalasy boıynsha saýda jáne tutynýshylardyń quqyqtaryn qorǵaý departamentimen, «Almaty» ÁKK jáne Almaty qalasy statısıka departamentimen birlesip kásipkerlerge saýda zańnamasyn múltiksiz saqtaý boıynsha monıtorıńtik is-sharalar men túsindirý jumystaryn júrgizýde.