zakon.kz-tiń málimetine súıensek, vedomstvoda atap ótkendeı, mundaı jańashyldyq, bir jaǵynan, dıplomdardy jalǵandyqtan qorǵaýǵa múmkindik berse, ekinshi jaǵynan, dıplomnyń shynaıylyǵyn jumys berýshiler tarapynan birden tekserýge múmkindik beredi.
«QR kody dıplomnyń túpnusqalyǵyn tekserýge múmkindik beredi – ol memlekettik veb-resýrsqa silteme beredi, onda menshik ıesi, oqý orny jáne memlekettik Ulttyq bilim berý derekter bazasynan qujattyń derektemeleri kórsetiledi. QR kody bitirýshiniń jeke basyn anyqtaýǵa múmkindik beretin negizgi aqparatty qamtıdy: bitirýshiniń tolyq aty-jóni, uıymnyń ataýy, oqýǵa túsý/bitirý jyly, mamandyǵy men biliktiliginiń ataýy, oqý nysany, dıplomnyń serıasy men nómiri», -dedi bilim vıse-mınıstri Aıbat İlıasov
Sondaı-aq Bilim jáne ǵylym mınıstrligi 2023 jyldyń 6 shildesinen bastap aǵymdaǵy jyly berilgen TjKB dıplomdary da elektrondy úkimettiń jeke kabınetindegi sıfrlyq qujattar qyzmeti arqyly sıfrlyq jeke kýálikter men júrgizýshi kýálikteri sıaqty sıfrlyq formatta mobıldik úkimet portalynda jáne eGov mobıldi qosymshasynda qoljetimdi bolatynyn habarlady. Sondaı-aq ıntegrasıa bolǵan jaǵdaıda ekinshi deńgeıli bankterdiń ótinimderi arqyly.
Túlekterge «eGov Mobile» arqyly QR kody arqyly sıfrlyq dıplomǵa qoljetimdilikti ashý nemese qol jetimdi aqparatty sıfrlyq túrde uıymdar men jeke tulǵalarǵa berý múmkindigi beriledi. Bul tájirıbe qazirdiń ózinde joǵary oqý oryndaryn bitirgeni týraly dıplomdardy berýde qoldanylady.