Elordada keler jyly ótetin din kóshbasshylary sezine daıyndyq pysyqtaldy
Hatshylyqqa qarasty jumys tobynyń otyrysyna bedeldi halyqaralyq uıymdar men Qazaqstan, Saýd Arabıasy, Pákistan, Egıpet, Iran, Reseı, Vatıkan, Izraıl sekildi elderden dinı birlestik ókilderi jınaldy. Hatshylyqtyń erteńge josparlanǵan otyrysynda VII sıeziń resmı kún tártibi qabyldanyp, ótetin kúni belgilenedi. Jalpy, Álemdik jáne dástúrli dinder kóshbasshylarynyń basqosýy bıyl ótýi tıis bolatyn, alaıda koronavırýs pandemıasyna baılanysty kelesi jylǵa aýystyryldy, dep habarlady Almaty-akshamy.kz
Aıta keteıik, Qazaqstan astanasynda 2003 jyldan beri ótip kele jatqan Álemdik jáne dástúrli din basshylarynyń sezi búginde jahandyq dıalog alańyna aınalǵan.
«Aldaǵy jylǵa josparlanǵan VII sezge daıyndyq júrip jatyr. Meniń oıymsha, álemdegi dinı toleranttylyq, ekstremızm máseleleri asa ózekti. Osy rette, ásirese, pandemıadan keıin pikir almasý óte mańyzdy dep oılaımyn. Osyndaı jıyndardyń paıdasy mol. Óıtkeni biz bir-birimizdi, bir-birimizdiń dástúrimizdi tanı túsemiz. Álemde áıelder úshin múmkindikter ashylǵanyn qalaımyn. Menińshe, áıelderdiń basshylyq etýdegi múmkindikterin keńeıtip, olardyń úlesin moıyndaý kerek», - Anglıa shirkeýiniń ókili Djo Beılı Ýells.
«Talqylanyp jatqan máseleler – keler jylǵy kún tártibi. Usynystaryn surap otyrmyz, biz óz usynystarymyzdy aıtyp otyrmyz. Biraq olardyń da pikirleri kerek. Eń basty taqyryp – pandemıadan keıingi jaǵdaı, din basshylarynyń róli», - QR Aqparat jáne qoǵamdyq damý vıse-mınıstri Serik Egizbaev.