Júrgizýshiler Dımashqa túrik ulttyq aspaby baglamany syıǵa tartty.
Túrkıada Dımash «Golden» atty tıtýldyq ániniń áýenimen sahnaǵa shyqty. Negizgi baǵdarlama bastalmas buryn ánshi kóńil aıtyp, Túrkıadaǵy jer silkinisinen qaza tapqandar úshin bir mınýt únsizdik jarıalady, dep habarlaıdy Almaty-akshamy.kz.
Dımashtyń jeke konserti Antalya Expo Kongre Merkezi-de ótti.
Shoýǵa álemniń 44 elinen kórermender keldi. Kórermender ártistiń ana qazaq tilinde oryndaǵan kompozısıalaryn tyńdap qana qoımaı, aǵylshyn, ıspan, ıtalán, orys, fransýz, qytaı jáne japon tilderindegi ánderden de lázzat aldy. Sondaı-aq, konsert kórermenderin Dımash pen arnaıy shaqyrylǵan qonaq, qabyldaýshy eldiń ókili, Býrak Ieter esimdi mýzykant úlken tosyn syı kútip turdy.
Konsert óte jyly atmosferada ótti. Ártis qazaqsha, aǵylshynsha sálemdesý sózinen bastap qana qoımaı, túrik tilinde sálemdesip kórermenderdiń kóńilinen shyqty jáne kesh barysynda qoltańba qaldyrýmen jalǵasyn tapty.
Bul keshte talǵamy bıik halyqaralyq tyńdaýshylardyń nazaryna aǵylshyn tilindegi «If I never breathe again», «Fly Away», «Screaming», «Give me your love» shyǵarmalary, qobyzdyń tereń únimen súıemeldenetin tıtýldyq án «Stranger», «Together» – Ábilmansur Qudaıbergenniń avtorlyq shyǵarmasy jáne ulttar men ulystar birliginiń mańyzdy habaryn jetkizetin Dımashtyń «The story of one sky» avtorlyq ánderi usynyldy.
Ár eldegi jeke konsertterinde Dımash baǵdarlamaǵa qabyldaýshy eldiń tilinde shyǵarmalardy engizýge tyrysady. Túrik jankúıerleri úshin túriktiń áıgili «Gesi Baglar» ánin oryndady. Júrgizýshiler Dımashqa túrik ulttyq aspaby Baglamany syıǵa tartty. Dımash jyly qarsy alǵany úshin túrik jerine alǵysyn bildirip, qazaq pen túrik mádenıetiniń ortaqtyǵyn atap ótti.