Quttyqtaý!
Dúnıege áıgili ánshi Dımash Qudaıbergen qazaqstandyqtardy Táýelsizdiktiń 30 jyldyq mereıtoıymen quttyqtady, dep habarlaıdy Almaty-akshamy.kz
«Qurmetti otandastar! Ata-babamyz ǵasyrlar boıy ańsaǵan táýelsiz el bolǵanymyzǵa bıyl 30 jyl tolyp otyr. Rýhy bıik, namysy berik ultymyzdyń ǵasyrlar boıǵy asyl muraty — azattyqty aıalaý, halqymyzdyń tatýlyǵyn saqtaý – bizdiń basty muratymyz. Bostandyq pen erkindiktiń bastaýy sanalatyn osy saltanatty kúni barshańyzǵa ıgilik pen baqyt, baq-dáýlet, yrys, nesibe tileımin», – dedi ánshi beıneúndeýinde.
Ol qazaqstandyqtarǵa el damýy men kemeldenýi jolyndaǵy eńbegine tabys, barlyq bastamasyna sáttilik tiledi.
«Birligimiz bekem, tirligimiz tıanaqty bolsyn, aǵaıyn! Táýelsizdigimizdiń tuǵyry bıik bolǵaı! Ulttyq, memlekettik rýhymyz asqaq bolǵaı!» – dedi Dımash Qudaıbergen.