Dımash Qudaıbergenniń Latyn Amerıkasynda turatyn jankúıerleri Argentınada ormandardy qalpyna keltirý boıynsha jobany aıaqtady.
Patagonıa óńirinde 1 myń aǵash otyrǵyzý aksıasyna álemniń túkpir-túkpirinen fanattar atsalysty, dep habarlaıdy Almaty-akshamy.kz Dimashnews.com saıtyna silteme jasap.
Bıylǵy mamyr aıynda Dimash Latin Dears fan-klýby Argentınanyń Patagonıa óńirindegi ormandardy qalpyna keltirý úshin qarajat jınaýdy uıymdastyrǵan bolatyn. Bastapqyda qazaqstandyq ártistiń jankúıerleri 382 aǵash otyrǵyzdy. Alaıda keıin ekinshi naýqandy bastap, maqsatty 1 myń aǵashqa deıin ulǵaıtty.
Osylaısha, Patagonıa aımaǵynda 2000 jylǵa deıin ómir súre alatyn óte ádemi ári úlken qylqan japyraqty Chılı araýkarıasynyń 1 myń kósheti otyrǵyzyldy.
Aksıa sátti aıaqtalǵan soń Dımash Qudaıbergenniń esimine jazylǵan «Orman saqshysy» sertıfıkaty berildi.