Álemge áıgili ánshi Dımash Qudaıbergen shyǵarmashylyq túsirilimderge qatysý úshin Qytaıda júr
Dımashtyń Eýrazıadaǵy fan-klýbynyń jazýynsha, ánshi Qytaıǵa ushyp kelgen, dep habarlaıdy Almaty-akshamy.kz.
«Ártistiń óner kórsetýin, Aspan asty eliniń mańyzdy kúzgi is-sharalaryna qatysýyn kútemiz. Ondaı merekelerdiń biri – Kúzdiń orta mezgiliniń meıramy», - dep jazady fan-klýb.
Aıtylyp ótkendeı, Dımash Qudaıbergen 5 jyl buryn China Mid-Autumn festival Gala sharasyna qatysty. Onda Qytaıdyń ánshi qyzy Wang Li-men birge «You And Me» kompozısıasyn oryndady. Al 2019 jyly qazaqstandyq ártis Qytaı turǵyndaryn merekemen quttyqtap, fotosýret ornalastyrdy.
Qytaıǵa Los-Andjelesten ushyp kelgenin Dımashtyń ózi de jazyp jatyr. Aıtýynsha, ol CCTV úshin túsirilimderge qatysady.