«Búgingi kún – erteńgi tarıh ...»
Jaqynda Qazaqstan Respýblıkasy Ulttyq qaýipsizdik komıtetiniń Shekara akademıasyna aty álemge áıgili otandasymyz Dımash Qudaıbergen keldi, dep habarlaıdy almaty-akshamy.kz.
Tanymal ánshini Shekara akademıasynyń ujymy ol kelgenshe taǵatsyzdana kútti. Dımash keledi degendi estigen kýrsanttar ony kórýge qatty asyǵyp, qoldaryna bir-bir qushaq gúlderin alyp tapjyljymaı akademıa aldynda turdy. Altyn daýysty ánshini akademıa bastyǵynyń birinshi orynbasary polkovnık A.Ismaılov jáne basshylyq quram qarsy aldy.
Bir qyzyǵy Dımash Qanatuly osy ýaqytqa deıin birde-bir mekemege dál osylaı kezdesýge barmaǵan eken. Bul ánshiniń eń birinshi kezdesýi dep aıtsaq artyq bolmas. Árıne, bul shekarashylar úshin úlken qýanysh, ári maqtanysh!
Baıqaǵanymyzdaı esimi álemge áıgili Dımash Qudaıbergen ulyq bolsań kishik bol demekshi, qansha jerden tanymal bolsa da tákapparlyqqa boı aldyrmaı óziniń tabıǵı qarapaıymdylyǵyn joǵaltpaǵan. Sóılegen sózinen, sóıleý mádenıetinen, júrgen júrisi, kıgen kıiminen qarapaıymdylyqtyń ısi ańqyp tur. Bul degenimiz – ata-anasynyń bergen tálimdi tárbıesiniń arqasy ekeni anyq.
Ánshimen suqbat barysynda polkovnık D.Belgojaev pen maıor A.Dostaev oǵan eki tilde suraq qoıyp, kezdesýdi júrgizip otyrdy. Orys tilinde qoıylǵan saýaldarǵa tek memlekettik tilde jaýap bergen Dımash taǵy bir qyrynan kórinip til janashyry ekenin baıqatyp, kezdesý sońyna deıin ana tilinde sóıledi.
Sahna tórindegi jaıly oryndyqqa jaıǵasqan ánshige zal toly kórermender ózderiniń kókeıdegi saýaldaryn qoıdy. Shekarashylardyń qara qazanyna aınalǵan qara shańyraqtaǵy qyzyqty kezdesýde kýrsanttardyń biri oǵan jasyl kúnqaǵarly shekarashylardyń fýrajkasyn syıǵa tartsa, endi biri Aleksandr Bektiń «Arpalys» atty kitabyn tartý etti. Al, endi sanaýly aılardan soń qos juldyzdy ıyǵyna qadap leıtenant atanatyn bitiriýshi túlekterdiń biri kýrsant N.Aldajuman Dımash aǵasyn ózderiniń maýsym aıynda bitirýshi leıtenanttar keshiniń qurmetti qonaǵy bolýǵa ótinish jasady. Ári qaraı, Shekara akademıasynyń ánuranyn naqyshyna keltire shyrqady.
Óz kezeginde «Jas shekarashy» balalar áskerı-patrıottyq klýbynyń tárbıelenýshileri de ánshige bir qushaq gúl men «Qazaqstan» shokoladyn syıǵa berdi. Kezdesý barysyndaǵy qyzyqty áńgimeni muqıat tyńdaǵan kýrsanttar men áskerı qyzmetshiler mundaı qaıtalanyp kelmes tarıhı sátti qalt jibermeı, kezek-kezek estelikke sýretke túsip, máre-sáre boldy.
UQK Shekara akademıasynyń tárbıelik, áleýmettik-quqyqtyq jáne ıdeologıalyq jumystar basqarmasy bastyǵynyń orynbasary polkovnık Daýren Belgojaev basqarma ujymymen, kezdesýdi uıymdastyryp, áriptesterine este qalarlyqtaı umytylmas tarıhı sáttke bastamashyldyq tanytty.