23 aqpan kúni Qazaqstan aýmaǵynyń basym bóliginde qolaıly meteorologıalyq jaǵdaı saqtalady, dep habarlaıdy almaty-akshamy.kz.
«Qazgıdromet» RMK baspasóz qyzmeti taratqan málimetke sensek, 23 aqpan, juma kúni elimizdegi qalalardyń basym kópshiliginde meteorologıalyq ahýal birqalypty bolady.
Tek Aqtóbe, Atyraý, Almaty, Astana, Qostanaı, Pavlodar, Petropavl, Rıdder, Semeı, Óskemen, kúndiz Qaraǵandy, Temirtaý qalalarynda ǵana aýa sapasy birshama nasharlaıdy.
Qolaısyz meteorologıalyq jaǵdaı — atmosferalyq aýanyń betki qabatynda zıandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.