Dımash Qudaıbergenge jáne jáne Dears-ke arnalǵan La Era Dimash radıostansıasy Antarktıdaǵa jetti.
Bul týraly radıo júrgizýshilerine bergen suhbatynda «Esperanza» ǵylymı-zertteý stansıasynyń qyzmetkerleri aıtty, dep habarlaıdy Almaty-akshamy.kz.
La Era Dimash-tyń jasaýshylary Argentınada óz radıosyn endi ǵana iske qosqan kezde qazaqstandyq ártistiń daýysy jer sharynyń ár túkpirinde estilýin qalady.
«Radıostansıa alǵash ret efırge shyqqanda, biz ózimizdi óte baqytty sezindik. Kún saıyn La Era Dimash baǵdarlamasy kórsetilgen elderdiń tizimi kóbeıýde. Olardyń arasynda buryn estimegenderi de boldy. Endi eki jyldan keıin bizdiń radıo 96 elde habar taratady», – dedi radıostansıanyń basshysy Paola Profeta.
2022 jyldyń 11 qazanynda «Esperanza» zertteý stansıasynan habar taratatyn LRA36 radıosynyń qyzmetkerleri (shamamen Antarktıka túbeginiń qıyr soltústiginde ornalasqan argentınalyq zertteý stansıasy) La Era Dimash-qa qyzyqty suhbat berdi.
Áńgime barysynda Klaýdıa Albarrasın, Marıa Evgenıa Rodrıges, Romına Zabalza jáne Marıela Chýrkına alys jáne sýyq kontınenttegi ózderiniń qıyn, biraq óte qyzyqty jumystary týraly aıtyp, La Era Dimash habar taratýy Antarktıdaǵa jetkenin jáne qyzdar qazaqstandyq ártistiń ánderin tyńdaýǵa múmkindik alǵanyn rastady.
«Dımashtyń daýysyn alǵash estigende, biz shynymen tańqaldyq. Onyń ádemi ánderi bar, óte úlken talant!» – dep bólisti olar.