Memleket basshysy Qasym-Jomart Toqaev ánshi Dımash Qudaıbergenge tazy kúshigin syılady
Dostar, tanysyp qoıyńyzdar, bul — meniń jańa dosym. Tabıǵattyń bul ǵajabyn, ıaǵnı tazy kúshigin maǵan Qasym-Jomart Kemeluly syılady. Tazy — bizdiń ultymyz úshin qundylyq, babadan qalǵan «Jeti qazynanyń» biri. Qazirgi kúni Qazaqstanda tazyny saqtap qalýǵa jáne halyqaralyq dárejede moıyndaýǵa basa kóńil bólinip jatqany qýantady, - dep jazdy ánshi Instagram-daǵy paraqshasynda.
Onyń aıtýynsha, bul qazaqy tuqym tán sulýlyǵymen, ustamdylyǵymen erekshelenedi jáne óte aqyldy keledi.
«Ata-babamyz tazyny qasterlep, jaqsy kórgen. Bul ıt kıiz úıge erkin kire alǵan, bul onyń tazalyǵyn bildiredi.«Tazy» ataýy parsy tilinen engen, maǵynasy — «shapshań», «epti». Osyndaı baǵa jetpes syılyq úshin Prezıdentimizge alǵys aıtamyn! Tazynyń atyn «Ǵaryshker» dep atadyq» dep jazady Dımash Qudaıbergen.
