Jaqynda bıletter satyla bastaıdy.
Dımash Qudaıbergen jeltoqsanda Gonkongta jeke án keshin ótkizedi, dep habarlaıdy Almaty-akshamy.kz
Osyǵan baılanysty ol jankúıerlerine habarlama jasady.
Ánshi, mýzykant, artıs Gonkongta 7 jyldan keıin jeke án keshin ótkizetinin aıtty. Dımash osydan 7 jyl buryn alǵash ret Qytaıǵa aıaq basqanyn eske saldy. Ol qazaq halqy úshin jeti sany kıeli esepteletinin de jankúıerlerine qulaqqaǵys etti.
"Dears! 23 jeltoqsan kúni meniń Gonkongtaǵy jeke konsertim ótetinin qýana habarlaımyn! Bul – erekshe kún. Óıtkeni dál osy kúni, 7 jyl buryn, men Qytaıǵa alǵash ret aıaq basqan edim. Sodan keıin sizdermen shyǵarmashylyq jolymnyń qyzyq sátteri bastaldy! 7 sany qazaq halqy úshin erekshe. Sondyqtan osy mereıtoıda sizdermen Gonkongta STRANGER konsert týrymdy jalǵastyrý úshin kezdesetinimizge qýanyshtymyn! Jaqynda bıletter satyla bastaıdy", - dep jazdy Dımash Qudaıbergen óziniń Instagram-daǵy paraqshasynda.